Pikkorissaanerit il.il.

Siunnersuisartoqatigiiuvugut assigiinngitsunik ilinniagallit, inunnullu ukununnga pikkorissaanerit neqeroorutigisarlugit: 
  • Inuit aalajangersimasut, innarluuteqarnermik atugaqartut 
  • Sulisut atorfeqartitat, innarluutilinnik sullissisut
  • Innarluutilinnut qanigisaasut

Pikkorissartitsisarnitta siunertaraat inatsisiliornermut inooqatigiinnermullu tunngasutigut Kalaallit Nunaanni innarluuteqarneq pillugu pisariaqartinneqartutigut ilisimasaqalersitsinissaq. Pikkorissartitsinigut inerisarneqartarput ilusilersorneqarlutillu misilittakkat aallaavigalugit ilisimasanik pilersitsinerit ilisimasanillu katersinerit tunngaviusumik. Nuna tamakkerlugu sumiiffinnilu ataasiakkaani ukiup ingerlanerani arlalinnik pikkorissaasarpugut.   

Makku pillugit pikkorissarnissat neqeroorutigisarpagut: 
  • Ilisimasamiit iliuuseqarnermut 
  • Atoqatigiinneq tarnikkullu nappaateqarneq 
  • ADHD/autisme pillugit pikkorissarnerit 
  • Meeqqat CI-mik tusartaasikkat pillugit pikkorissarnerit 
  • Oqaluutigaluni ussersorneq (Tegn Til Tale) 
  • Ussersuutinik pikkorissarnerit 
  • Ilitsersuisartussanik ilinniartitsineq 
  • Tapersersortinik ilinniartitsineq 
Aammattaaq ulluni arlalinni katerisimaarnerit ilinniartitsinertallit innarluutilinnut ukununnga ingerlattarpagut: 
  • Tappiitsut isigiarsuttullu
  • Tusilartut

Siunnersortit suleqatigiit sulisorisavut Kalaallit Nunaanni innarluuteqarnermut tunngasunik ukiorpassuarni misilittagaqartuupput, pikkorissartitsinitta Nunatsinni pissutsinut naleqqussarnissaat isumagisarparput. Avataaneersunik ilitsersuisoqartilluta, pikkorissarnerit ilaanni nammineq siunnersortit ilitsersuisuusarpugut, ilinniakkatigut misilittakkatigullu immikkut tunuliaqutaqarnivut pissutigalugit. 

Malugeqqussavarput pikkorissarnissanik neqeroorutit, maannakkorpiaq ilinniakkatigut, piginnaasatigut misilittakkatigullu katitigaanerput ersersimmassuk. Taamaammat neqeroorutivut allanngorsinnaapput. 

Pikkorissarnerit tamarmik immikkut saaffigisanut, sulisunut assigiinnik sulialinnut nunalluunniit immikkoortuinut toqqakkanut neqeroorutaasarput, nalinginnaavorlu peqataasinnaasut killeqartarnerat, inissaqartitsiniarneq pissutigalugu. 

Apeqqutissaqaruit imaluunniit illit suliannut tunngatillugu pikkorissarnissamik kissaateqaruit tamatigut attavigisinnaavatsigut, innarluutilinnik sullississuuguit imaluunniit nammineq innarluuteqartuuguit, una toorlugu.