Atortut

Tassaavugut Ilisimasaqarfik Siunnersuisarfiutigisoq, sallerpaatillugu kalaallisut siunnersuillunilu ilitsersuisartoq, anguniarparput:  

Inuit kikkulluunniit innarluutilinnut attuumassuteqartut, namminneq attaveqariaasertik atorlugu namminnerlu inuunermi pingaartitatik aallaavigalugit siunnersorneqarlutillu ilitsersorneqarsinnaanissaat. Ilisimasat tunniunneqartut kalaallit kulturiannik, illoqarfinnik, nunaqarfinnik inoqarfinnillu mikinerusunik immikkut ilisimasaqarnermik tunngaveqassapput; periarfissat ujartorneqassapput, Kalaallit Nunaannilu pissutsit naleqqussaqqissaarneqassallutik.       

Suliassagut pingaarnerit pillugit paasissutissat uaniipput.

Annermik kalaallisut atortussiat pisariaqartinneqarput, aamma ilisimasat Kalaallit Nunaanni pigineqartut tamanut pisariitsumik paasiuminartumillu siammaannissaat pisariaqartinneqarpoq.

Taamaammat pisariaqartitat tamakku eqqarsaatigalugit ingerlaavartumik atortussianik assigiinngitsunik saqqummersitsisarpugut.

Saamiatungaani atortussiat makku takusinnaavatit: 

  • IPIS-ip atuagassiaaraliai
  • IPIS-ip DVD-liarititai
  • IPIS-ip Aviisia
  • IPIS-ip quppersagaliai
  • IPIS-imit saqqummersitaq 

Qupperneq una nutartertuarparput, nutaanik saqqummertoqarnera ilutigalugu.  

Malugeqquarput atortussiat taakku kalaallisuinnaq suliarineqarnikuummata, ilaallu qallunaatuinnaq, imaluunniit qallunaatut allagartalersugaallutik. 

Atortussiat qallunaatuut innersuussatta kalaallisut nutsernissaat pisussaaffiginngilarput.

Apeqqutissaqaruit imaluunniit atortussianik piniarniaruit mailikkut: ipis@nanoq.gl – ikkut imaluunniit oqarasuaat 34 66 80 atorlugu attavigisinnaavatsigut.