IPIS-ip Aviisiata

- innarluuteqarluni inuunerup nassatarisartagarpassui oqaluttuarisarpai

Taanna nammineq aviisiliaraarput. Imaappoq allaaserisat isikkuat imarisaallu uagut akisussaaffigivagut.

Aviisi ukiumut qaammatit pingasukkaarlugit saqqummersarpoq, makkualu pingaartitarisarlugit: 

  • Innarluuteqarneq pillugu oqaluttuat
  • Innarluutilinnut neqeroorutit pillugit oqaluttuarnissaq

Aviisi kommuninut, kommunit allaffiinut, najugaqatigiiffinnut, atuakkanik atorniartarfinnut, pisiniarfinnut, utoqqaat-illuinut, politikerinut inuinnarnullu nassiussuunneqartarpoq.

Aviisi maanna 700-nngorluni naqinneqartarpoq, ukiullu tamaasa naqinneqartarneri amerliartorlutik.

Malugeqquarput IPIS-ip aviisia kalaallisuinnaq naqinneqartarmat.

Ilanngutassaqqissumik oqaluttuassaqaruit ipis@nanoq.gl –ikkut imaluunniit oqarasuaat 34 66 80 atorlugu attavigisinnaavatsigut.

Aviisi allakkatigut ilinnut nassiunneqartaqqugukku attavigisinnaavatsigut aamma aviisi nammineq aasinnaavat uani.