Siunnersuineq

Tassaavugut pisortat aaqqissuussinerisa iluanni, illit ulluinnarisanni innarluuteqarnermut tunngatillugu ajornartorsiutaasinnaasut pillugit ilinnik AQQUTISSIUUSSISUSSAT

Siunnersuisartoqatigiiuvugut assigiinngitsunik ilinniagallit, makkununnga siunnersuinermik ilitsersuinermillu ingerlataqartartut:

  • Inuit innarluutillit
  • Sulisut, inunnik innarluutilinnik sullissisut
  • Inunnut innarluutilinnut qanigisaasut

Siunnersuisarnitta siunertaraa inuit ataasiakkaat pisariaqartitaasa qulaajarnissaat aamma aaqqiissutaasinnaasunik assigiinngitsunik saqqummiinissaq. Siunnersuineq allakkatigut, oqarasuaatikkut imaluunniit arlaliullutik kisimiillutilluunniit namminneerlutik saaffiginnittunut pisarpoq.

Assersuutigalugu makkunani periarfissat pillugit siunnersuillutalu ilitsersuisarpugut:

  • Inunnik isumaginninnermi inatsisit – innarluutilinnut tunngasut immikkut ilisimasaqarfigalugit
  • Ikiorsiissutit pillugit nalinginnaasumik ilisimasat
  • Tarnikkut timikkullu innarluuteqarnermi ulluinnarni unamminarsinnaasut assigiinngitsut
  • Ikiorsiissutit naapertuuttut pissarsiarinissaat atornissaallu
  • Kalaallit Nunaanni, Danmarkimi nunaniluunniit allani suliamut tunngatillugu ilisimasallit allat

Siunnersortivut Kalaallit Nunaanni innarluuteqarnermut tunngasut pillugit ukiorpassuarni misilittagaqartuupput, tamarmillu inuit innarluutillit periarfissaat pillugit tamatigoortunik ilisimasaqarput – Kalaallit Nunaanni pinngortitamut kulturimullu naleqqussakkanik.  

Uagut siunnersortitut inunnut ataasiakkaanut tunngatillugu siuliassat suliarisinnaanngilagut, ikiorsiissutit pillugit aalajangiisinnaanata ikiorsiissutinillu tunniussisinnaanata.